采頤粥店

营业中

休息中

冬天特别想食热野，经过见到传统粥店，即刻买啲粥品返屋企试吓。呢度嘅粥品价钱都几抵，买咗一碗牛肉粥、一碗瘦肉粥同埋一碟炸两。对碟炸两有啲失望，油炸鬼唔系新鲜炸起，似乎摆咗一段时间，即使我好快返到屋企，啲炸两都系淋得好紧要。不过最紧要系啲酱汁，有甜酱有豉油唔会衰得去边。至于牛肉粥，就真系唔好食啦。我望住佢整，首先将免治牛肉占据左半个外卖碗，跟住落热粥，最后再落少少油。我觉得牛肉嘅份量多到有啲夸张，其实都唔系好食到粥嘅味道，而且啲牛肉亦唔系特别好食。瘦肉粥就比较正常，比例唔错，但呢间粥店嘅粥底唔算特别绵，啲米都系一粒粒。