Wheatfield X 羅宋湯專門店 (青衣城) (已結業)

今日天气好冻，冻到入骨。咁冻嘅天气最想系可以饮一碗热辣辣嘅汤入肚。知道青衣城有间 WheatfieldX罗宋汤专门店。放工即刻去买碗做晚餐，奈何因为防疫措施只可以买返屋企饮。今次叫咗汤面同捞面套餐每个套餐都包罗宋汤,罗宋汤可以拣牛腩或猪髀肉罗宋汤啲配料好丰富，有好多红萝卜，蕃茄同肉，份量好够。味道好好饮，唔似系街饮嘅味精汤。配菜我加咗牛排同猪髀肉，肉味好够，份量同追加嘅价钱都合理最后仲叫咗杯蜂蜜生姜茶嚟驱风。食物质素唔错，美中不足就系啲食物拎到返屋企都冻晒。不过佢哋近排出咗急冻汤包，啱晒饮汤一定要热辣辣嘅我！