巴蜀烤全魚 (已搬遷) 新店位置

听闻红磡好多好野食，同朋友捐窿捐罅揾到间食麻辣烤鱼既小店！加上冬天就到，呢种天气见到啲热辣辣香喷喷既𩠌就胃口大增！香麻辣味烤全鱼（大边）每条鱼配两碗白饭，唔怕食唔饱，虽然系叫小辣但佢都有好多辣椒，芹菜，芽菜同葱做配料，望落好惹味🤤鱼肉好滑身，配饭一流，鱼骨亦唔难了出黎，唔怕唔小心吞左！另外仲可以加材料好似打边炉咁，继续用佢个麻辣汁！虽然算系小店，但卫生都唔差，菜式亦多选择👍🏻 铺头都痴满食物相方便客人拣！