影片
更多
2021-12-29
500 浏览
冬天冻冰冰🥶最好就系食啲暖笠笠嘅嘢，呢日就去咗食蛇羹，我都系第一次食架咋，见好多人系铜锣湾呢间蛇王熙排队，入面又爆晒场就试下先。原来蛇王熙系著名老店蛇王二嘅旧伙记主理嘅，所以质素应该都有啲保证🙌🏻花胶烩蛇羹超级足料嘅蛇羹🐍蛇肉份量好多，第一次食嘅我又觉得好容易接受，好似食紧鸡肉咁，肉质比较实净。除咗蛇肉之外仲有花胶、冬菇、姜丝、木耳、陈皮、柠檬叶、脆脆同菊花瓣，花胶都有唔少，而且爽弹有少许胶质😗😗所有配料嘅配搭都几好，不过我个人就唔系咁钟意太多柠檬叶，味道有啲太抢。腊味糯米饭蛇羹同腊味饭绝对系最佳组合，香口嘅腊味加埋脆卜卜花生，连同黏糯嘅腊味饭一齐食，冬天食一流👍🏻凉拌拍青瓜云耳套餐包埋嘅小食，清爽嘅青瓜同云耳浸住酸酸辣辣嘅酱汁都几惹味。菜胆炖猪肺超级超级清甜又滋补嘅炖汤，真材实料又冇味精，猪肺都有唔少旧，好饮😋😋人均消费：$100推介指数（10分为满分）：8.5分
花胶烩蛇羹
超级足料嘅蛇羹🐍蛇肉份量好多，第一次食嘅我又觉得好容易接受，好似食紧鸡肉咁，肉质比较实净。除咗蛇肉之外仲有花胶、冬菇、姜丝、木耳、陈皮、柠檬叶、脆脆同菊花瓣，花胶都有唔少，而且爽弹有少许胶质😗😗所有配料嘅配搭都几好，不过我个人就唔系咁钟意太多柠檬叶，味道有啲太抢。
腊味糯米饭
蛇羹同腊味饭绝对系最佳组合，香口嘅腊味加埋脆卜卜花生，连同黏糯嘅腊味饭一齐食，冬天食一流👍🏻
凉拌拍青瓜云耳
套餐包埋嘅小食，清爽嘅青瓜同云耳浸住酸酸辣辣嘅酱汁都几惹味。
菜胆炖猪肺
超级超级清甜又滋补嘅炖汤，真材实料又冇味精，猪肺都有唔少旧，好饮😋😋
人均消费：$100
推介指数（10分为满分）：8.5分
张贴
