泰邊爐 (已結業)

天气冻冻地，最啱打边炉！但系又唔想打中式边炉，朋友介绍话依间泰式边炉最近转左Menu，所以就同阿Mei 去试吓。依到可以拣先食鸡煲后打边炉，不过为咗我哋终身减肥事业，我哋就唔食太多肉，就咁拣咗椰子鸡汤同冬阴公汤底直接打边炉。虽然依度系任食，不过落完个套餐会上两款前菜（泰式猪肉碎生菜包同泰式凤爪)，之后会上一份火锅料，如果唔够饱可以再追加。个套餐啲配料都几多款，有肥牛，黑豚肉，排骨，猪颈肉，泰式丸同手打丸，当中最特别嘅系泰国直送嘅舔肉丸，酸酸地好有泰国风味。除咗肉我地仲追加咗海鲜盘，有虾，鲍鱼，扇贝，蚬，青口，蚝，七十蚊黎讲系非常抵食！基本上食完个套餐加海鲜盘都唔系好洗再追加配料，但基于甜品系另一个胃，所以都有岀去岀面个甜点bar到拎甜品！系非常满足嘅一餐！