影片
更多
2024-12-13
467 浏览
鸡駅价钱: $78/ $68/ $42/ +$18好味程度: 4/5 服务🍴: 3.7/5环境🗾: 3.3/5性价比🥢: 3.7/5回头率😚: 3.7/5-不嬲都知道骆驼漆大厦有两间鸡米线，平时食开上面𠮶间二撇鸡，今次就试试下面呢间鸡駅。星期六lunch time都等晒位，入面keep住坐满，超高人气。佢地有各款鸡米线，全部个汤底都系超黄色，用鲜鸡汤熬出嚟。-✅姬松茸竹笙花胶鸡米线。呢间嘅米线都比较烟靭，几有口感，就算浸咗汤都唔会软晒😋呢个汤底咸味几够，饮落啖啖鸡鲜味。因为多左姬松茸，所以都有菇香味🤩系饮晒成碗汤都唔口渴，证明冇咩味精！竹笙索汤超正🤓花胶偏硬，可以煲耐啲先食到胶质。鸡件胸位唔算滑，但都唔算好鞋。翼/脾位肉质好啲。-🆗药膳黄酒花胶鸡米线。呢个比起姬松茸𠮶款口味甜啲，饮落有啲红枣嘅甘甜，同药材嘅香气🙂↕️ 但系黄酒嘅味就一啲都唔觉… 当佢药膳鸡汤咁饮会好啲。仲有啲木耳同虫草花。如果两款嚟讲我会钟意上面𠮶个多啲。-🆗悍匪鸡翼。呢个鸡翼沾左薄薄一层粉去炸，食落好脆，同埋都几大只😬入面唔干。但冇孜然胡椒味，好似一般炸鸡翼咁🧐-✅ 冻柠檬薏米水。除左柠檬，仲有姜味的薏米水。比一般冻
价钱: $78/ $68/ $42/ +$18
好味程度: 4/5
服务🍴: 3.7/5
环境🗾: 3.3/5
性价比🥢: 3.7/5
回头率😚: 3.7/5
-
不嬲都知道骆驼漆大厦有两间鸡米线，平时食开上面𠮶间二撇鸡，今次就试试下面呢间鸡駅。星期六lunch time都等晒位，入面keep住坐满，超高人气。佢地有各款鸡米线，全部个汤底都系超黄色，用鲜鸡汤熬出嚟。
-
✅姬松茸竹笙花胶鸡米线。呢间嘅米线都比较烟靭，几有口感，就算浸咗汤都唔会软晒😋呢个汤底咸味几够，饮落啖啖鸡鲜味。因为多左姬松茸，所以都有菇香味🤩系饮晒成碗汤都唔口渴，证明冇咩味精！竹笙索汤超正🤓花胶偏硬，可以煲耐啲先食到胶质。鸡件胸位唔算滑，但都唔算好鞋。翼/脾位肉质好啲。
-
🆗药膳黄酒花胶鸡米线。呢个比起姬松茸𠮶款口味甜啲，饮落有啲红枣嘅甘甜，同药材嘅香气🙂↕️ 但系黄酒嘅味就一啲都唔觉… 当佢药膳鸡汤咁饮会好啲。仲有啲木耳同虫草花。如果两款嚟讲我会钟意上面𠮶个多啲。
-
🆗悍匪鸡翼。呢个鸡翼沾左薄薄一层粉去炸，食落好脆，同埋都几大只😬入面唔干。但冇孜然胡椒味，好似一般炸鸡翼咁🧐
-
✅ 冻柠檬薏米水。除左柠檬，仲有姜味的薏米水。比一般冻饮大杯小小，养生之选！
-
试埋呢间之后觉得佢都OK，起码汤底系真系鸡汤，同埋佢用嘅鸡系鸡件，而二撇鸡就系用鸡肉。睇吓你哋又会钟意边款多啲😆
张贴
