陳儀興玫瑰餐廳

营业中

休息中

上星期冻左几日，同朋友去左新蒲岗玫瑰食羊腩煲，环境有点古旧但够光猛卫生，职员都好友善，而我见到隔离枱十个人个鸡煲好似成座山咁真系好吸引，下次要约一大班人去！枝竹羊腩煲 $398好足料既羊腩煲，羊腩够腍够嫰，羊味唔会太膻，其他配料有枝竹，马蹄，笋，冬菇等等，好香浓。因为两个人食得慢，食食下有啲痴底，店员主动过黎帮我换煲，真系非常好。食完之后加清汤打边炉，叫左一份双拼饺（弹牙鱼皮饺，独门芥末西芹饺)$58，双拼丸（粒粒章鱼丸，香菇贡丸） $62 以及一份手打薯粉 $18。饺够大只，连我平时唔食西芹都觉得个饺好食，不过就食唔到芥末味。两只丸都弹牙，特别钟意个章鱼丸，好有口感。最正系薯粉，好挂汁，好浓羊腩汁味，好好食！除左汽水啤酒，茶餐厅饮品，餐牌仲有健康饮品，叫左金银花茶同罗汉果茶 $20，见到系陈仪兴出品，我枝金银花茶都几好饮，少少甘。