米走雞 (太子藍馬之城)

营业中

休息中

上星期生日，朋友约我去食饭，冻冻地就决定打边炉！佢地嘅滋补养生火锅系列「金汤花胶桃胶鸡锅」好岩一班Lady，冻冻地饮完又暖笠笠又好滋润😍「金汤花胶桃胶鸡锅」汤底配料份量十足，有半只油鸡、花胶、桃胶、娃娃菜、红枣、杞子等味道鲜甜浓郁，花胶仲要好大只，refill 时都系比番原底金汤，打边炉前一定要饮番几碗汤先。手切霜降牛颈脊牛颈脊鲜嫩，充满雪白油花，脂肪平均，肉味浓郁，打边炉必叫之选。一碌青花椒插在牛舌上个名都几特别，牛舌大块薄切，牛舌带有少少青花椒味，有口感。哈哈虾中宝虾中宝超大只，混入蟹子、虾胶、虾粒再包住原只中虾，啖啖虾肉，鲜虾味十足。手打五宝拼盘（鲜墨丸/鲜虾丸/鲮鱼丸/猪肉丸/鲜牛丸）一碟有齐五种最鲜味手打丸，新鲜手打，鲜味十足又弹牙。海鲜我叫左白鳝、虎虾、日本鲜带子海鲜样样都好新鲜又大件大只！白鳝大片仲好肥美，虎虾超大只嘅虎虾又新鲜，虾味浓仲爽弹，带子大大粒。清热银菊露、竹蔗茅根佢地自家制嘅凉茶，用料十足，岩哂黎清热降火。