小火焰韓式咖啡廳 (觀點中心) (已結業)

星期六同男朋友黎到观塘食韩国野，午餐几抵食又多选择，亦唔需要加一。我地最后拣左大酱黑豚粉丝锅同明洞饺子炒粉丝，跟餐加$10要甜辣韩式炸鸡同卡邦尼小杯年糕，饮蜂蜜红枣茶同蜂蜜生姜茶，再要个雪花冰。明洞饺子炒粉丝好够热，食到尾都系热架。有三只煎饺子，几香口。炒粉丝略油，但有好多蔬菜配料一齐食可以中和返。大酱黑豚粉丝锅除咗有粉丝，仲有一碗饭。大酱汤辣辣地，冬天饮好适合。黑豚肉亦够软腍。甜辣韩式炸鸡$10就有三旧，好抵食。卡邦尼小杯年糕烟烟韧韧，卡邦尼汁捞饭食都好夹。糯米糍3.6牛乳雪花冰磨到劲幼滑，入口即化，糯米糍好烟韧，我好钟意，仲有球朱古力雪糕添。最后饮蜂蜜红枣茶同蜂蜜生姜茶暖暖身。