掌門重慶麻辣火鍋 (已結業)

入到冬天点可以唔打边炉，于是就约左朋友去打边炉，但又唔想食酒家任食边炉个啲咁颓，于是就揾左间系柯士甸既掌门重庆麻辣火锅。餐厅门口有一盏盏写住掌门既灯笼，系街头已经闻到个阵麻辣既香味。我地叫左个双并汤，叫左重庆翡翠麻辣锅同猪骨汤，麻辣锅就简左中麻小辣。翡翠锅既特别地方系绿色，闻落去好香，饮左少少汤底又觉得几入得口。原来火锅店有生啤1664饮，仲要Happy hour买一送一。环境坐落一啲都唔迫好舒适。所有食材都好新鲜好好味。我地叫左花甲、海虾、炸餐肉条、手切肥牛、西洋菜、黑豚肉同埋牛胸爽。所有野都好好食，花甲好鲜甜，我地将所有花甲同西洋菜放哂系猪骨汤度煮，所以个汤都超甜。海虾好新鲜好弹牙。炸餐肉条就可以两食，因为佢新鲜炸起，就咁夹黎食都好好食，另外可以放系个汤浸一阵，一样唔错。手切牛就几高质，色泽又好睇而且入口即溶，牛胸爽就牛如其名，真系好爽好弹牙。熟食我地就叫左个麻辣炸鸡翼，呢个鸡翼几特别，系出面未试过。整体黎讲一流，下次会再番黎试。