大將 (已結業)

冬天❄️咁冻当然要食我最爱既边炉啦，今晚黎到T.O.P商场地库food court内食火锅放题，暖下个身😼。我地叫左中价位既澳洲和牛牛小排 $388/位，呢度特别既地方系每人一锅，够晒衞生干净，我地两人分别叫左蕃茄浓汤以及鸡白汤。随汤底会附上两碟肉，其中一碟系主角澳洲和牛牛小排，色水都几靓，同埋脂肪少😛。相比起熊本猪梅花肉片既肥膏较多，都系食牛肉既性价比高D🤭。海鲜方面，带子同沙白都大粒，而沙白系冇沙架👍🏻 。另外，有个小贴士俾大家，叫海鲜一定要讲明要几多份，唔系每位侍应都会醒目问你要几多份，试过有一转只系讲左想要虾同带子，结果只系黎左一只虾同一只带子🥹🥹。同埋觉得餐厅要整番个QR code落order呀，除左自助区外，叫肉同埋海鲜都要叫侍应落单，满座时侍应都忙，举手举到手仔都软埋😿。讲番自助区先，蔬菜类🥗用左胶盒好企理咁装住，另一边既丸类选择都多，罐装饮品有台湾茶同埋忌廉梳打，另外仲有汽水机同咖啡机，临走前饮番杯暖野好舒服😌。甜品方面，有个位可以自己整窝夫，不过我地后尾食到好饱冇整到🤣，系食左朱古力味雪糕，都几浓味，仲可以加埋熊仔🐻饼做装饰😚。