影片
更多
2017-12-29
699 浏览
呢间位于湾仔嘅西班牙餐厅 《Reserva Iberica》， 位于小巷入面， 一到放工时间， 总会企满黎happy hour嘅客人。 餐厅外挂满咗西班牙嘅小旗帜， 加上西班牙特色磁砖， 彷如令人置身于西班牙嘅横街窄巷之中， 别有一番风味。西班牙最出名就系食Tapas，呢家餐厅每日都会由厨师推介几款特色嘅Tapas， 大厨会以当天最新鲜嘅食材去设计menu， 可谓不时不食， 务求将最新鲜嘅食材带俾食客。今日嘅厨师推介就有【炸牛脷】， 一送上枱传出阵阵嘅孜然香气，牛脷炸得外层酥脆，内层嫩滑。孜然嘅香气亦能中和牛脷嘅骚味， 而且闻落亦令人更加开胃。加上特别调配嘅辣酱， 味道酸酸辣辣， 提升咗牛脷嘅惹味度，配埋啤酒， 简直系一个perfect match。另外就系呢间餐厅嘅招牌Tapas 【Gazpacho/ Tortilla/ Pa Amb Tomaquet/ Sliced Serrano Ham】， 呢个拼盆包含四样小食，【Gazpacho】即系番茄冻汤，带有强烈烟熏香味，每朝由大㕑磨制而成，饮落有粒粒蕃茄肉，感觉又爽又清新。【Tortilla】系西班牙蛋饼，将洋葱同薯仔加入到蛋浆然后焗
呢间位于湾仔嘅西班牙餐厅 《Reserva Iberica》， 位于小巷入面， 一到放工时间， 总会企满黎happy hour嘅客人。 餐厅外挂满咗西班牙嘅小旗帜， 加上西班牙特色磁砖， 彷如令人置身于西班牙嘅横街窄巷之中， 别有一番风味。
西班牙最出名就系食Tapas，呢家餐厅每日都会由厨师推介几款特色嘅Tapas， 大厨会以当天最新鲜嘅食材去设计menu， 可谓不时不食， 务求将最新鲜嘅食材带俾食客。
今日嘅厨师推介就有【炸牛脷】， 一送上枱传出阵阵嘅孜然香气，牛脷炸得外层酥脆，内层嫩滑。孜然嘅香气亦能中和牛脷嘅骚味， 而且闻落亦令人更加开胃。加上特别调配嘅辣酱， 味道酸酸辣辣， 提升咗牛脷嘅惹味度，配埋啤酒， 简直系一个perfect match。
另外就系呢间餐厅嘅招牌Tapas 【Gazpacho/ Tortilla/ Pa Amb Tomaquet/ Sliced Serrano Ham】， 呢个拼盆包含四样小食，【Gazpacho】即系番茄冻汤，带有强烈烟熏香味，每朝由大㕑磨制而成，饮落有粒粒蕃茄肉，感觉又爽又清新。
【Tortilla】系西班牙蛋饼，将洋葱同薯仔加入到蛋浆然后焗至金黄， 系西班牙嘅一度传统菜式， 蛋饼带有洋葱嘅香甜， 外面焗到金黄色， 带点焦香，而里面的蛋饼相当软滑， 有双重口感。
【Sliced Serrano ham】 油脂丰富，油份甘香， 而且脂肪比例 亦相当平均， 味道带有回甘，咸味适中，作为餐前小吃， 令人食欲大增。
【Pa Amb Tomaquet】即番茄多士，蕃茄蓉用新鲜嘅番茄加上橄榄油打成， 感觉非常新鲜，多士够脆， 感觉清新，充满田园气息。
主菜【伊比利亚黑毛猪】， 伊比利亚黑毛猪产地利至西班牙 ，猪味相当浓郁， 大厨先煎封锁住肉汁，啖啖肉嘅咬口感 ， 非常juicy。 加上依比利亚黑毛猪食橡果长大，令猪肉大有独特方香， 一啲都唔膻。加上大厨调制嘅香橙酱汁， 中和左油腻感，伴碟嘅萝卜仔搽上咗蜜糖再去香烤，顿时加了一份焦糖感觉，既健康又美味。
最后呢杯热红酒 【Mulled wine】 可谓全晚嘅亮点。 Mulled wine系德国等欧洲国家冬天同圣诞节必饮嘅饮料。 香料热红酒通常都会加入玉桂、丁香、 八角，姜， 橙皮等香料煮沸， 令香料同水果嘅香气慢慢渗入红酒之中，而红酒中嘅酒精亦会随随挥发， 每啖呷入口， 都品尝到香料嘅气息， 尤其喜欢丁香嘅气味 ， 和小时候吃嘅可乐糖感觉相似。 加入咗姜去煲煮，令血液更为运行。捧著暖暖温度嘅红酒， 除咗暖和双手之外，还令人暖意入心， 实属冬天圣诞必喝嘅佳品。
谁说冬天一定冰冰冷冷？ 食一顿热情如火嘅西班牙菜， 令冬日加添无限暖意， 就和至亲好友一同享受冬天嘅美好时光吧～
张贴
