茶木‧台式休閒餐廳 (德福廣場1期)

营业中

休息中

今日赶住返屋企，去到德福广场快快趣揾食，就入咗好一段时间冇帮衬嘅茶木。佢哋最近推出咗暖暖秋冬系列，最适合而家早晚清凉嘅日子享用。　其实见到全场好多人食羊腩煲，好似几正，不过我哋唔食羊肉，所以就拣咗红烧牛颊肉面。佢哋嘅红烧牛肉面特别选用牛颊肉，肉质更腍身更滑。牛肉面仲可以加$15选配特饮，我就拣咗凤梨蓝蝶梳打。将忌廉倒入杯内，混合椰奶味道唔错。同场佢哋仲新推出咗黑糖姜母焖鸭。原来系全只鸭，$58真心抵食，平时都系食烧鸭多，呢次以黑糖姜母嘅制法味道又几特别，咸中带点甜，沾点带有黑糖姜母味道嘅酱油确系唔错。而我就最钟意牛油果，呢个轻薄荷酪梨沙冰就啱哂我，佢仲系少甜，加有薄荷就更有清新嘅感觉。