影片
更多
2017-11-29
1291 浏览
饭意呢个平价食堂一直都系以抵食出名~~ 以前系深水埗开果阵已经排过好多次, 真系粮尾救星XDD 今次就去旺角分店食佢, 交通方便之余食完仲可以去附近食糖水做下场XD 佢既巨型特长鳗鱼蛋包饭令我留下深刻印象, 想再encore~~~但发现新出左石锅饭系列, 同样地都系有鳗鱼选择呢!!!! 价钱一样系街坊价, 最平既烧黑椒牛肉六十几蚊, 或者鸡扒拼大虎虾同烧鱼都系七十几蚊, 但我就拣左我既鳗鱼BB ~~~~ 对于原条鳗鱼既抗拒力系低d架喇XDDD 一上枱, 原条鳗鱼依然震撼, 出去日本餐厅食既鳗鱼动辄都三位价但可能份量唔多, 确系落重本既点餐选择, 今次个石锅饭比平时食既唔同, 就系用左咖哩汁, 饭份量十足, 就算系男仔食都应该够饱, 咖哩汁满布饭面, 第一啖食落系日式咖哩味道, 偏甜, 但几秒后微微辛辣味渐渐渗出, 相当浓郁, 用作拌饭一流, 不过因为饭量偏多, 咖哩酱如果更多就好。 鳗鱼满布鳗鱼烧汁, 香甜惹味, 无鱼骨之余鱼肉算厚, 连埋底部既鱼皮香黏滑口, 夹埋鳗鱼皮一齐食, 鱼脂丰腴, 算系有水准既鳗鱼, 对比起日本餐厅有D会烧得更焦香, 呢到就无咁邪恶, 另外面既粉红色好似爆炸
佢既巨型特长鳗鱼蛋包饭令我留下深刻印象, 想再encore~~~但发现新出左石锅饭系列, 同样地都系有鳗鱼选择呢!!!! 价钱一样系街坊价, 最平既烧黑椒牛肉六十几蚊, 或者鸡扒拼大虎虾同烧鱼都系七十几蚊, 但我就拣左我既鳗鱼BB ~~~~ 对于原条鳗鱼既抗拒力系低d架喇XDDD
一上枱, 原条鳗鱼依然震撼, 出去日本餐厅食既鳗鱼动辄都三位价但可能份量唔多, 确系落重本既点餐选择, 今次个石锅饭比平时食既唔同, 就系用左咖哩汁, 饭份量十足, 就算系男仔食都应该够饱, 咖哩汁满布饭面, 第一啖食落系日式咖哩味道, 偏甜, 但几秒后微微辛辣味渐渐渗出, 相当浓郁, 用作拌饭一流, 不过因为饭量偏多, 咖哩酱如果更多就好。
鳗鱼满布鳗鱼烧汁, 香甜惹味, 无鱼骨之余鱼肉算厚, 连埋底部既鱼皮香黏滑口, 夹埋鳗鱼皮一齐食, 鱼脂丰腴, 算系有水准既鳗鱼, 对比起日本餐厅有D会烧得更焦香, 呢到就无咁邪恶, 另外面既粉红色好似爆炸糖既粒粒, 原来系甜既鱼松呢!!! 真系配合到樱花呢个主题XD 甜甜地几得意~ 食左咁多肉同埋饭, 当然有返啲蔬菜, 西兰花大大件够爽脆。
最后另上既紫姜亦有中和油滞之感, 大家中意一并食或者分开食都得呢~
被长洲大鱼旦呢个term吸引左, 究竟佢同铁板可以如何扯上关系呢? 为左解开呢个谜底, 令我放弃左平时食开既小拼盘, 拣左佢黎食XD 一共四粒既大鱼旦无长洲食既咁大粒, 以竹签串连住~ 底部有层薄薄既煎蛋, 由于好薄身令香脆度增加, 煎得干爽香口, 几有特式。
鱼旦皮比平时食既更厚同韧, 口感唔错喔, 最正系入面超爽弹, 好少可食到咁有咬口既鱼旦, 唯独系鱼味差咁D, 不过面既章鱼烧汁同木鱼碎一并食更滋味, 推介呢个小食!
另一个我次次都必点既一定系日本一口薯沙律, 本身呢只日本薯价钱唔平, 一碟沙律廿几蚊有六粒, 几抵食, 生菜加埋蕃茄粒几fresh, 主角一口薯够甜够粉, 好想再叫多个。
由于想食吉烈猪排但又唔想再叫个饭, 我地再encore多个吉烈猪排沙律, 唔似平时吉烈猪排有厚厚既面包糠炸粉, 但仍然炸得香脆, 肉质偏硬实~
食左咁多野食有埋鳗鱼都系二百蚊, 再一次证明呢到真系穷人饭堂粮救星XDD难怪成晚都系full哂… 好快又黎帮衬佢XD
张贴
