發哥粥底海鮮火鍋 (已結業)

呢个星期开始气温急降，想揾个舒服既地方打边炉，以前不时回去显径村冬菇亭饮茶，宜家改成左几间餐厅，其中呢间发哥火锅有粥底海鲜火锅套餐(＄288/人)，决定一试。坐低叫左龙虾🦞餐，二人包一只龙虾🦞，一个海鲜拼盘，两只大鲍鱼，一个餐前炖汤同八个配菜任选。海鲜全部味道都几新鲜，鲍鱼仲郁紧，炖汤口感清甜，而且好足料，配料细细份，不过食完成分都好饱，分量刚好，反而怕太多食唔晒。仲有饮品任饮，自家制竹蔗茅根几好饮。酒楼黎讲呢度地方阔落干净，而且拣酒楼都系想有得自己清洁餐具。姐姐既服务都唔错，我地一开头放左砚先，其中一粒好多沙，所以成个粥底都系沙，姐姐见倒即刻成煲帮我地换👍🏻 最后粥底煲完海鲜马上饮一啖，超级正