影片
更多
2021-12-29
235 浏览
📍Antoshimo Cafe & Bakery喺大本营入面见到间好有日本风情嘅餐厅，仲有人龙喺出面，好奇心驱使下攞左飞试下，好彩冇中伏(⁎⁍̴̛ᴗ⁍̴̛⁎)🍽食物：嗌左个冲绳二段锅烧定食$89，有齐主菜乌冬甜品同特饮~乌冬：超蕃茄浓度8锅烧乌冬 6/10乌冬用石锅装住可以保温，食到最后都仲系热嘅。汤底好杰，食到有蕃茄肉，但系蕃茄嘅鲜甜味唔明显，味道比较单调，不过感觉唔系落茄汁调味。乌冬系粗身个只，煮得弹牙有咬口，几中意个口感主菜：牛油锅烧三色野菜鸡卷 7/10呢个系用鸡肉包住甘荀、露荀同牛蒡一齐煎，鸡肉上面仲连住鸡皮，鸡皮煎得香口但略嫌痴住皮下脂肪有啲肥腻。鸡肉好嫩，但中间啲野菜好少同埋有啲淋，冇咩存在感😂试唔试都得甜品：冲绳海盐焦糖冬甩雪糕 10/10其实我系见到个甜品先决定食呢间，冬甩系即叫即炸，上到来仲系热辣辣，咬落去好有弹性但又唔会好硬，好似Mister Donut嘅波堤🤤真系好挂住佢🥲原来香港都可以食到类似嘅味道真系好开心～配埋雪糕一涷一热咁食真系好正！特饮：热黑糖菊花茶有淡淡嘅菊花味，本身系无糖嘅，我就冇另外落糖都觉得ok⛩环境👍🏻餐厅装修用左好多冲绳嘅元素，亦好有日本家庭餐厅嘅
喺大本营入面见到间好有日本风情嘅餐厅，仲有人龙喺出面，好奇心驱使下攞左飞试下，好彩冇中伏(⁎⁍̴̛ᴗ⁍̴̛⁎)
🍽食物：
嗌左个冲绳二段锅烧定食$89，有齐主菜乌冬甜品同特饮~
乌冬：超蕃茄浓度8锅烧乌冬 6/10
乌冬用石锅装住可以保温，食到最后都仲系热嘅。汤底好杰，食到有蕃茄肉，但系蕃茄嘅鲜甜味唔明显，味道比较单调，不过感觉唔系落茄汁调味。乌冬系粗身个只，煮得弹牙有咬口，几中意个口感
主菜：牛油锅烧三色野菜鸡卷 7/10
呢个系用鸡肉包住甘荀、露荀同牛蒡一齐煎，鸡肉上面仲连住鸡皮，鸡皮煎得香口但略嫌痴住皮下脂肪有啲肥腻。鸡肉好嫩，但中间啲野菜好少同埋有啲淋，冇咩存在感😂试唔试都得
甜品：冲绳海盐焦糖冬甩雪糕 10/10
其实我系见到个甜品先决定食呢间，冬甩系即叫即炸，上到来仲系热辣辣，咬落去好有弹性但又唔会好硬，好似Mister Donut嘅波堤🤤真系好挂住佢🥲原来香港都可以食到类似嘅味道真系好开心～配埋雪糕一涷一热咁食真系好正！
特饮：热黑糖菊花茶
有淡淡嘅菊花味，本身系无糖嘅，我就冇另外落糖都觉得ok
⛩环境
👍🏻餐厅装修用左好多冲绳嘅元素，亦好有日本家庭餐厅嘅感觉，见到有唔少家庭来食
👉🏻除左侧边嘅卡位，餐厅中间系两张长枱再用隔板隔开，同隔离枱嘅距离都几近，不过好彩张枱够大，唔会太迫
💁🏼♀️服务
👉🏻员工并唔系满面笑容但都算服务殷勤有礼貌，会积极收碟
📝总评 7/10
个冬甩令我对成餐饭加左唔少分，至于其他食物就冇咩特别但系唔伏，不过价钱有啲进取，最后埋单接近$100一个人。呢到可以感受返日本嘅气氛，偶尔试下冇坏，如果经过我可能会就咁买冬甩食🤣
⏱冇限时
👛人均消费 $100 (连加一服务费)
张贴
