沖繩二段料理 (大本型)

营业中

休息中

呢个时刻，想揾食实在艰难。如果人未修练到可以餐风饮露既境界，就唯有在人间继续寻找美食。呢间虽然唔算好食到蹦蹦声，不过去到个度谂唔到食乜时，行入呢间肯走稳阵唔失礼。呢个间都系用手机自助点餐，相信都系大趋势，你话而家唔记得带手机出街，除咗心挂挂手痕痕之外，系直头食唔到饭。呢个炸鸡芝士饭，佢加左芥辣喺炸鸡上面，感觉比加沙律酱差唔多，系多咗少少微辣感，不过炸鸡本身唔够脆，食食吓有啲印象啲鸡粒喺急冻铺好似见过。反而我欣赏个饭，由于本人唔系好钟意食饭，但系都觉得个饭好好食，一粒粒好分明又烟韧，个汁食落都好开胃。另外朋友叫咗个豚肉锅加蒸饭，我就无试过，朋友话算ok。今次要点提系佢个餐嘅甜品，个冬甩真系非常之好，上面𠮶啲雪糕就梗系一般嘢，但系下面个冬甩好有蛋香味，软软地又脆，有少少鸡蛋仔feel，同埋佢唔似其他冬甩咁甜，真系成餐最欣赏就系个冬甩，我下次一定要单买几个走。