Munchies (已結業)

非常有趣既一间店，应该系新开因为无咩客人，门口有块黑板写左D食品同堆画左D公仔，好有文青feel。一入到门口就见到好多donuts同cookies，我望到眼都发光。呢到好特别，佢donuts同cookies可以用黎夹ice-cream, 有少少似韩国之前既马卡龙夹雪糕? 当然一场黎到紧系要试最特别既野啦。店员推介我食salted caramel味既冬甩夹coffee 味既雪糕。呢到既雪糕系有机自制既雪糕，食落带沙粒口感唔会太甜有微微既咖啡苦同香，唔会假甜，终于试到d真正有苦味既咖啡雪糕。冬甩微暖，虽然甜甜咸咸好奇怪但又好夹，软淋淋既口感外面有层痴痴立立既焦糖外层包住，食到咸味又食到焦糖味，我开头以为硬既系冬甩软既系雪糕，食左之后发现原来两者系掉转，感觉好新鲜。总结一句，呢个冬甩雪糕真系必试，食完你会感觉到咩叫天堂的味道，虽然呢个价钱真系有少少贵同埋都几肥，但系一世人真系要试一次。你唔会后悔