華苑潮州閣

营业中

休息中

今晚做冬就去尖沙咀試吓新嘢先見呢間潮州菜試業期間睇吓好唔好食先，地方就唔係好大，都坐得舒適，睇餐牌有好多嘢食如要試好多次先試得晒，我哋叫左個潮州蠔仔粥，好多蠔仔大細適中，味道鮮甜家鄉走地雞，皮薄肉嫩，冇肥膏潮州香煎蠔烙，蛋好香，蠔仔嫩滑隆江有骨豬手，豬手好入味好腍，啖啖骨膠原黃金海蝦，鹹蛋黃味好正，外皮好脆，內裏隻蝦好大，爽囗彈牙潮陽蔗燻鴨，都幾多肉，味道都幾好，但可能食唔慣，肉有d硬鵝片拼鵝肝，鵝片入晒味，肉嫩啖啖肉，鵝肝好嫩，入囗即刻溶化潮州新鮮鹵水新鮮鵝腸，鵝腸好大條，好爽好彈牙，肥美可口，豆腐幾嫩滑清炒豆苗、方魚炒芥蘭，豆苗和芥蘭唔老幾嫩，方魚脆卜卜，鹹鹹地幾好味糖醋伊麵，個面脆咯咯，個底軟，麵個蛋味好香，加埋沙糖和醋一齊食超好味最後梗係叫返d甜品食吓，清心丸綠豆爽，清心丸食落好似蒟蒻幾滑，糖水甜度適中薑薯糖水，聽講薑薯好有營養，見未食過叫來試吓，食落有d似淮山冇乜味，爽爽哋，連糖水食恰到好處傳統鼠殼粿（鹹/甜），我哋要左甜，咬落去外脆內軟，甜甜地好好味，似豆沙窩餅今晚真係好豐富，食得好飽