華苑潮州閣

营业中

休息中

今晚做冬就去尖沙咀试吓新嘢先见呢间潮州菜试业期间睇吓好唔好食先，地方就唔系好大，都坐得舒适，睇餐牌有好多嘢食如要试好多次先试得晒，我哋叫左个潮州蚝仔粥，好多蚝仔大细适中，味道鲜甜家乡走地鸡，皮薄肉嫩，冇肥膏潮州香煎蚝烙，蛋好香，蚝仔嫩滑隆江有骨猪手，猪手好入味好腍，啖啖骨胶原黄金海虾，咸蛋黄味好正，外皮好脆，内里只虾好大，爽囗弹牙潮阳蔗熏鸭，都几多肉，味道都几好，但可能食唔惯，肉有d硬鹅片拼鹅肝，鹅片入晒味，肉嫩啖啖肉，鹅肝好嫩，入囗即刻溶化潮州新鲜卤水新鲜鹅肠，鹅肠好大条，好爽好弹牙，肥美可口，豆腐几嫩滑清炒豆苗、方鱼炒芥兰，豆苗和芥兰唔老几嫩，方鱼脆卜卜，咸咸地几好味糖醋伊面，个面脆咯咯，个底软，面个蛋味好香，加埋沙糖和醋一齐食超好味最后梗系叫返d甜品食吓，清心丸绿豆爽，清心丸食落好似蒟蒻几滑，糖水甜度适中姜薯糖水，听讲姜薯好有营养，见未食过叫来试吓，食落有d似淮山冇乜味，爽爽哋，连糖水食恰到好处传统鼠壳粿（咸/甜），我哋要左甜，咬落去外脆内软，甜甜地好好味，似豆沙窝饼今晚真系好丰富，食得好饱