壹級日本料理 (已結業)

我承认自己都几港女，虽然喜欢宵夜去冬菇亭嘅风味，但着住高踭鞋落去食饭真系会 dirty。自从领展加入，确实为村民带来不少改善，全新嘅饮食体验，有卡位又有冷气。天气真系好热，好彩巴士站落车两步就行到过嚟啦！一坐低叫个凉浸浸嘅小食先牛蒡腾渍 $48，钟意佢爽脆嘅口感。其次系一个我好喜欢嘅日本小食，鸡泡鱼干 $40，送啤酒真系一流。食物种类都几多，串烧都有啊！我就点咗黑豚腩串 $18 。真系坚抵食，车仔档都系呢个价钱。半肥瘦腩肉烧得好香。仲有刺身食添㖞！我最想食都系海胆 ，$288(1板)，我哋人少少叫咗半板，ok nice 无腥味想饱肚唔使一定叫饭食嘅，卷物都唔错。牛油果鱼籽软蟹卷 $88。卖相已经拍得住日本料理。牛油果+鱼籽口感已经好正，再加上酥脆的炸软壳蟹三文鱼籽确实系我最爱，忍唔住要食寿司，$58(2件)，鱼子粒粒晶凝通透，咸咸地充满海水味。紫菜仲系脆嘅，细节位做得几好食到最尾先记得要饮品可乐$10一支，冰凉到入心。