榮基打冷小菜

营业中

休息中

今日约咗朋友嚟牛头角，朋友话附近乐华邨入边有个冬菇亭，呢类旧式屋企嘅冬菇亭买少见少，叫咗朋友带我入去食下！！朋友推介呢间”荣基打冷小菜”入面除咗潮州打冷，仲有牛杂粉面呢类菜式。我叫咗个干炒牛河，价钱只系40几蚊，份量十足大大碟！卖相已经好吸引！牛河色香味俱佳，河粉条条分明，烟韧又唔会烂，酱油同牛肉香满满！牛肉片嫩滑多汁，与芽菜、炒功精湛，火候掌握得恰到好处，唔会有油腻感。整体味道都好好，更有微微焦香令人回味无穷！！呢到嘅姐姐服务都好好，旧式冬菇亭真系几有feel！大家得闲嚟食下！