MAZ Thai & BBQ (已結業)

听朋友讲呢间几好食，终于揾到机会食啦！两个人叫左四大碟野食饱饱☺️ 先讲左野饮先，芒果沙冰同惊喜既榴连沙冰，大赞榴连沙冰，劲香劲浓，好似食紧榴连咁。重点推介呢款好特别既菜式，冬阴公肥牛火锅，岀边好少机会食到架。因为要做火锅汤底，冬阴公会无咁辣，但都系咁厚身同好香既香草味！肥牛俾靓牛你，唔薄有肉味👍🏻泰式凤爪沙律，个兜好靓，唔觉唔觉好大碟，凤爪爽口无腥味，酸酸辣辣好开胃。咖哩大虾睇到只色都知呢种唔系好辣果只咖哩，不过椰汁味好重，香草味都浓，捞饭配蒜蓉包一流，但系虾就唔算好新鲜🤔最后唔够喉嗌多个pad thai，即叫即炒够锅气，都有几多𩠌。