After You Dessert Café (已結業)

8点几同朋友食完饭，见到After You 条龙唔算长，于是就排吓。明明见到有张吉枱，店员都已经清洁好，但一直无俾我地入，等咗差唔多5-10分钟先放人，唔系太明点解要人地系出面等。呢度系要自助点餐，同朋友叫咗个「泰式奶茶」刨冰。留意返佢有两个size，我地就叫咗original lsize，唔大食既够4-5人食。叫完又要等，等咗差唔多十分钟.佢个冰好绵，唔会太有冰感；个奶茶味都好出，好香浓，另外佢仲会有个奶茶俾你淋上去，更加好食！而佢既底部系有凉粉之类既啫喱块同埋咸咸地既面包粒，口感几特别。欣赏佢无最低消费同限时，另外有热水、冻茶可以任斟。