皇冠冰室 (已結業)

系旺角谂住试下唔同餐厅，于是入左呢间外观整洁既冰室。点左两个是日晚餐，$70有一𩠌，饭，汤，同热饮。⭐️沙嗲牛肉粉丝煲⭐️上台时热辣辣，份量多到就快满泻。表面有好多又浓又稠既沙嗲汁。牛肉份量十足，食落系早餐既沙嗲牛肉面质感。底层仲有好多粉丝，吸晒沙嗲汁既味，伴饭一流。⭐️南乳金沙骨⭐️外脆内软既金沙骨，份量有啲少。食落南乳味好啖，不过配饭食都够咸。整体黎讲，餐厅环境舒服，食物味道一般，而价钱合理。