吉祥冰室 (已結業)

适逢星期日，就同男朋友踩单车元朗游。踩到攰就揾左间茶餐厅食个Tea。系朗屏站附近有间吉祥冰室，撘车既话系朗屏站天桥右边既楼梯一落就到。冰室装横系80、90年代风格，打卡一流😜 下午茶menu都好多元化，由小食到炒粉面饭都有。我地唔算太肚饿，就叫左轻食类：猪扒包同长热狗，再配杯怀旧红豆奶茶😋🌭美式长热狗 （$29）长热狗好足料，用左脆皮肠👍🏻而个酱汁比较出色，用左酸瓜制成嘅酱汁代替常见嘅茄汁、芥末酱，感觉清爽，好醒胃。🐷猪扒包 （$31）好耐无见过用传统猪仔包整既猪扒包啦！猪仔包烘热左，而猪扒都系啱啱新鲜煎出黎。咬落热辣辣，有诚意。☕️ 红豆奶茶 （+$10）杯奶茶绝对系今日MVP作为奶茶控，我去到边都会叫杯奶茶。而今次杯奶茶超水准，茶香馥郁，质感顺滑，唔系普通茶记饮到既水准！加埋红豆甜甜地，配杯奶茶一流！大力推荐杯奶茶！绝对会再饮👍🏻本身仲以为打卡类茶记系食环境，估唔到食物质素有惊喜！我地大约两点松啲去到都算多人，估计午餐时段应该要等位，好彩下午茶时段黎到，最Fit又抵食😋