金記客棧 (已結業)

星期一放假，下就同老婆带左狗仔去数码港玩，谂住食埋晚餐先返去，见到竟然有间金记客栈，呢间分店都几大间，环境唔错。点左脆皮烧腩仔，好特别用左个小炉上，原来禁样可以保持温度，令外皮keep住脆卜卜。推介呢度的椒盐一口豆腐，正方形一粒，一啖岩岩好一粒，外皮炸到香脆，入面的豆腐又好幼滑，洒埋惹味的椒盐，正!仲有我地都好钟意的避风塘口味焗中虾，虽然系中虾，但只只都好大只下，份量足，啖啖虾肉，虾头仲有好多虾膏添，惹味十足，送饭一流。