影片
更多
2021-06-23
557 浏览
享乐烘焙咁出名真系唔使多介绍😛💛 享乐嘅bagel真系好出名，又有好多口味，我哋之前都有写食评介绍过，今次再介绍就系再回归嘅冰心面包喇🤩 同事上年已经推介我要试，上星期我一见到享乐开团就即刻揿入去抢返2 sets，一次过可以试晒上年两款经典口味+今年新出嘅「日本焙茶味」😍拎包嘅时候，店员好细心咁提醒1个钟内到放返雪柜普通格，之后返到去最少都要雪返30分钟先食，如果唔系嘅话啲cream就会融晒，亦都会影响面包嘅质感～•🥢 冰心面包 $88/4个 (团购价)呢个冰心面包系冻食嘅面包嚟，入面吱咗cream，一切开见到啲cream喺正中间，占咗半个包以上，份量都几多，所以每一啖包都可以食到😋当晚买返去雪完再食，面包嘅质地同口感依然好松软，啲cream都尚算软身，但未至于好流心；雪咗一晚再食嘅话，啲cream就好似软雪糕咁😆 虽然cream嘅份量好多，但因为味道唔算好甜，所以唔会食到好腻，尤其系茶味𠮶2款，加埋香浓嘅茶味真系好正！以下3款口味嚟讲， 焙茶控表示最钟意焙茶味！但另外2款口味都好唔错㗎😋📸 经典云尼拿原味: cream入面见到一点点黑色嘅云尼拿籽，云尼拿味都几浓😛📸 小山园抹茶冰心:
拎包嘅时候，店员好细心咁提醒1个钟内到放返雪柜普通格，之后返到去最少都要雪返30分钟先食，如果唔系嘅话啲cream就会融晒，亦都会影响面包嘅质感～
•
🥢 冰心面包 $88/4个 (团购价)
呢个冰心面包系冻食嘅面包嚟，入面吱咗cream，一切开见到啲cream喺正中间，占咗半个包以上，份量都几多，所以每一啖包都可以食到😋
当晚买返去雪完再食，面包嘅质地同口感依然好松软，啲cream都尚算软身，但未至于好流心；雪咗一晚再食嘅话，啲cream就好似软雪糕咁😆 虽然cream嘅份量好多，但因为味道唔算好甜，所以唔会食到好腻，尤其系茶味𠮶2款，加埋香浓嘅茶味真系好正！
以下3款口味嚟讲， 焙茶控表示最钟意焙茶味！但另外2款口味都好唔错㗎😋
📸 经典云尼拿原味: cream入面见到一点点黑色嘅云尼拿籽，云尼拿味都几浓😛
📸 小山园抹茶冰心: 抹茶味都ok，甘甘地，唔会好甜👍🏼 不过抹茶控嘅话应该会想要再浓啲！
📸 日本焙茶冰心: 焙茶味几香浓，唔会苦，而且甜度适中，但都系再浓啲就好喇🤤
张贴
