影片
更多
2017-06-07
1265 浏览
之前帮衬过屋企附近间OPPA烧肉店(大埔)，今日就一行四人黎旺角店踩场。呢排实在太热，一坐低先叫野饮，以前饮过菠萝冰，好鬼正，新鲜菠萝整嘅沙冰，用一大个真菠萝壳装住，仲有一片片嘅菠萝肉，我梗系大力推介啦。但我今日想试吓个芒果冰，可惜今日冇，只有菠萝冰同西瓜冰。最后四个人都叫晒菠萝冰，饮胜~一上枱就即刻饮几啖先! 冇左个菠萝壳，又冇左一片片嘅菠萝肉，有啲失望。好大杯，饮落去仍然系新鲜菠萝整嘅沙冰，好鲜甜，带一粒粒嘅菠萝果肉，食烧肉配沙冰，冰火嘅感觉，一个字 - 爽!炉边蛋，按我指示一半放泡菜，一半斋蛋，一次可以试晒两款口味。要重点一提，OPPA嘅烧烤板我觉得系咁多间烧烤店最好嘅。一整块平板设计，非烧烤网，肉汁同油唔会漏入火炉里面，由于倾斜摆放，所有油都会卸晒落去个盛油碟入面，容易清洁。最重要系佢嘅材质好好，无论烧乜都完全唔黐底，其他烧烤板同烧烤网好多要预先搽定油上去，一路烧仲一路要唧啲油上去，呢个板真系超正。野食就叫左个马场洞套餐，呢个巨型匈牙利鹅肝，好厚，仲厚过我手掌。烧鹅肝最重要嘅秘诀系: 雪硬佢先!!! 因为鹅肝入面有好多油份，遇热就溶，雪硬佢先烧就最好! 所以呢个一上枱就要第一时
呢排实在太热，一坐低先叫野饮，以前饮过菠萝冰，好鬼正，新鲜菠萝整嘅沙冰，用一大个真菠萝壳装住，仲有一片片嘅菠萝肉，我梗系大力推介啦。但我今日想试吓个芒果冰，可惜今日冇，只有菠萝冰同西瓜冰。最后四个人都叫晒菠萝冰，饮胜~
一上枱就即刻饮几啖先! 冇左个菠萝壳，又冇左一片片嘅菠萝肉，有啲失望。好大杯，饮落去仍然系新鲜菠萝整嘅沙冰，好鲜甜，带一粒粒嘅菠萝果肉，食烧肉配沙冰，冰火嘅感觉，一个字 - 爽!炉边蛋，按我指示一半放泡菜，一半斋蛋，一次可以试晒两款口味。
要重点一提，OPPA嘅烧烤板我觉得系咁多间烧烤店最好嘅。一整块平板设计，非烧烤网，肉汁同油唔会漏入火炉里面，由于倾斜摆放，所有油都会卸晒落去个盛油碟入面，容易清洁。最重要系佢嘅材质好好，无论烧乜都完全唔黐底，其他烧烤板同烧烤网好多要预先搽定油上去，一路烧仲一路要唧啲油上去，呢个板真系超正。
野食就叫左个马场洞套餐，呢个巨型匈牙利鹅肝，好厚，仲厚过我手掌。烧鹅肝最重要嘅秘诀系: 雪硬佢先!!! 因为鹅肝入面有好多油份，遇热就溶，雪硬佢先烧就最好! 所以呢个一上枱就要第一时间烧左佢! 面头扑上生粉，烤后两边更卜卜脆，入口内脆外软!
匈牙利鹅肝
22 浏览
0 赞好
0 留言
澳洲和牛牛脷，好肥美。大埔店系切薄片的，呢度系厚切再切条。虽然冇薄片咁快熟，但口感反而更好。
澳洲和牛牛脷
10 浏览
0 赞好
0 留言
有五款牛肉，其中呢个和牛拼盘，就有澳洲和牛五花、A4和牛三角肉、宫崎和牛上盖肉眼。一大碟，望落都知唔错。但店员冇详细解释系咩肉，妈呀，我地觉得好乱。都冇细分，狂风扫落叶咁就食鬼晒。
22 浏览
0 赞好
0 留言
鹿儿岛橡味黑豚，虽然咁厚，但烧到差唔多熟就剪开佢再烧多阵，咁就可以确保四边都烧到，香口美味，肉质弹牙。
鹿儿岛橡味黑豚
11 浏览
0 赞好
0 留言
韩式炸鸡，四件，一人一件。我嘅经验，无论喺边度食韩式炸鸡都比美式炸鸡出色，更嫩滑多汁。点解架呢? 味道唔算太辣，都算迁就返香港人口味。
韩式炸鸡
31 浏览
0 赞好
0 留言
银鳕鱼扒，厚肉，肉质结实，但有骨，要小心食。一般烧烤，鱼肉系最难度高，但呢度个烤板太好用，点烤都完全唔黐底，烤鱼肉都轻松冇难度。
银鳕鱼扒
17 浏览
0 赞好
0 留言
最后要弹吓呢个韩式海鲜年糕，海鲜多，份量大，但真系几辣，同埋好咸呀。
韩式海鲜年糕
17 浏览
0 赞好
0 留言
呢度环境有啲挤迫，我地要同人共用一张大枱。而个餐四个人食都好饱，份量好足。最紧要系沙冰配烤肉，冰火二重奏先系好享受
张贴
