Stecco Natura (大館)

营业中

休息中

同朋友去大馆睇完展览经过见到一间望落好chill 好有特色嘅小店😳原来系一间来自西西里嘅意式雪糕店，店内装潢用左西西里风格嘅瓷砖同柠檬树装饰🍋仲播放住好柔和嘅音乐🎵入到嚟轻松写意好好feel☺️ 第一次嚟当然试埋招牌意式雪条啦😍拣咗开心果同草莓味雪条，再按个人喜好配上唔同款嘅朱古力酱同配料，配搭出自己钟意嘅外观同口味，净系睇个样色彩缤纷已经食指大动❤️开心果味香浓👍草莓味就系酸酸甜甜嘅雪葩类，食完透心凉🍧呢度主打天然低卡同埋无麸质，食多几款都冇罪恶感😈除咗雪糕雪条🍦呢度仲有沙冰、牛角窝夫雪糕、咖啡、西西里传统意式炸饭团同松饼等小食～见到雪糕奶昔有几种选择，拣咗芒果味唔会太甜太漏🥭芒果香味好出！三文鱼炸饭团用risotto沾上面包糠整成，个面炸到脆脆地，再配埋香草蕃茄酱，越食越想食😋食完唔够喉仲可以买礼盒装返屋企～口味可以自选，礼盒装仲包埋酱料topping可以自己DIY，好食又好玩😆