疊囍居

营业中

休息中

去咗間酒樓食點心，裝修幾新，感覺幾光猛。首先係個冰鎮醉香鮑魚特價$12.8一隻，價錢幾抵，鮑魚彈牙，酒香幾濃郁，冰冰涼涼幾開胃。點心叫咗鮮竹牛肉球，大大粒，肉質幾鮮嫩。南乳花生豬手，豬手炆得爽口，帶少少南乳味。到花膠灌湯餃喇。個湯底清甜，有花膠份，餃皮薄而煙韌。蒜香蒸肉排，肉排蒸得啱啱好，唔會太老，蒜香味幾突出，肉質肥肥地幾嫩滑。最後係原隻鮮蝦腸粉，腸粉皮薄而滑，蝦爽口。呢間酒樓嘅點心質素唔錯，新鮮又好味，價錢都算合理，下次仲會再去試其他點心！