七輪燒肉 (已結業)

呢间烧肉店同我之前系冲绳旅行时食过既同名，好想试下系咪有一样水准，地点系正坚尼地城站出口够哂方便。6点几唔多人，立刻可以入座，枱面有传统日式烤肉的烤炉，好有日本feel，抽烟系统不错，唔会好大油烟。叫左五品肉盛，有牛胸腹牛助肉，豚腩薄切，鸡腿肉同羊肉，牛肉质数高，肉嫩多汁，绝对推介。豚肉薄切烧完脆脆地十分香口，亦都不错，鸡同羊就正常水准。酱汁亦好啱我口味，有烧汁，麻油葱花同柠檬，点完𩠌饭一流呀！野菜5盛够新鲜，推介翠玉瓜同超甜粟。食完肉要平衡一下味蕾，哈哈。饮品叫左青森苹果汁，同日式超市买到的相若，无落冰既，唔会偷工减料，再加叫份蒜蓉烤包，烤到外脆内软。仲未饱，追加和牛丼，原来呢个先系压轴好戏，甜酱油煮和牛肉既肉质好弹牙，有肉汁，又嫩，洋葱爽甜，日本米饭够Q，我自己仲食到4份3碗啰，呢个超推介! 食完仲可以行去附近发掘下呢个小区，去西环码头散下步，或揾间酒吧饮下野咁，就一个愉快周末。