影片
更多
2015-08-26
1909 浏览
阿Gi出名雀仔肚，次次去亲自助餐都系蚀本收场，今日我终于都为番本啦！！好耐都冇同妹食饭，今日一于食餐好嘅。但次次都要佢就我食得少食得清，我都唔好意思啦，今日一于平平地去The Luxe 食个自助晚餐。点平法？$238 生蚝鱼生任食，你话抵唔抵先！任食生蚝吧！基本上一出就清架啦，影呢张相都唔知讲咗几多次唔好意思 😝抵食都要睇质素，手掌咁大嘅美国生蚝，我都系第一次见！少有地要分3啖食，劲！！注重仪态嘅可以拣返d 细嘅黎食。美国蚝海水味浓，略带甜味。如果钟意食甜一d嘅可以拣细只一d嘅日本蚝，the Luxe 都有供应架，不过我口味就比较独特，偏偏就系钟意海水嘅腥味～另外，就到周家二小姐嘅至爱－三文鱼刺身。见到妹抱住一盘鱼生返黎个阵，我心感奇怪，明明头先巡视个阵唔见有鱼生架，噢，原来鱼生同虾系放同一个位置轮流上嘅，唔奇得我睇唔到啦，呢对鬼眼！！ （拼得靓靓留比相机食先）另外，有一点不得不赞，有客人用错夹去夹熟食，职员9秒9叫停，仲即时拎个夹去洗。好注重卫生，大酒店自助餐都未必有咁细心啦。每次去食buffet 我都好期待salad bar, The Luxe 嘅salad 虽然几好食，不过就真系
好耐都冇同妹食饭，今日一于食餐好嘅。但次次都要佢就我食得少食得清，我都唔好意思啦，今日一于平平地去The Luxe 食个自助晚餐。
点平法？$238 生蚝鱼生任食，你话抵唔抵先！
任食生蚝吧！基本上一出就清架啦，影呢张相都唔知讲咗几多次唔好意思 😝
抵食都要睇质素，手掌咁大嘅美国生蚝，我都系第一次见！少有地要分3啖食，劲！！
注重仪态嘅可以拣返d 细嘅黎食。美国蚝海水味浓，略带甜味。如果钟意食甜一d嘅可以拣细只一d嘅日本蚝，the Luxe 都有供应架，不过我口味就比较独特，偏偏就系钟意海水嘅腥味～
另外，就到周家二小姐嘅至爱－三文鱼刺身。见到妹抱住一盘鱼生返黎个阵，我心感奇怪，明明头先巡视个阵唔见有鱼生架，噢，原来鱼生同虾系放同一个位置轮流上嘅，唔奇得我睇唔到啦，呢对鬼眼！！ （拼得靓靓留比相机食先）
另外，有一点不得不赞，有客人用错夹去夹熟食，职员9秒9叫停，仲即时拎个夹去洗。好注重卫生，大酒店自助餐都未必有咁细心啦。
每次去食buffet 我都好期待salad bar, The Luxe 嘅salad 虽然几好食，不过就真系少左d㖞。（妹：边有人好似你咁净食菜架！）
超，包都系我另一个主打，呢度有成5款包，仲要好软身，牛油亦有适当地回温，真系冇令我失望呀！！ （我的另类自助餐食法～）
熟食一向都唔系我主打，不过 the Luxe 嘅熟食都有唔少选择，同行朋友话buffalo wings 同有款鸡都几好食。呢个Omelette 人同相机都咁啱食！
主菜食饱 (妹：你好似只系食咗前菜），留返个肚食甜品，我都系甜品Killer!!! 估唔到呢嘅甜品都唔少选择，当然试落晒啦，尽力啦！
拣咗呢几款试，柠檬挞真系好好食，我encore咗2件，另外个两个就一般般啦，brownie似mud cake多d，另外嘅pound cake外包pastry，感觉的确有d怪。
好surprise竟然有暖豆腐花食，我估系卫生问题，所以豆花系自助餐上好少出现。The Luxe 都几大胆呀，不过佢咁fast pacing 都唔怕，眼见1个钟已经换咗两次，都唔怕丫。妹系豆花killer, 佢双眼又发光啦。味道方面，不过不失啦，都够滑嘅。
呢度都有我最爱嘅 Apple Crumble, d crumble 大大粒，好味又唔会太甜，仲用真苹果肉，爽口嘅！不过放凉咗d，热d 可能会好食d。美中不足 ...欠雪糕！系呢，呢度点解冇雪糕架，希望下次再嚟会有雪糕食啦！配埋Waffle 同心太软仲正呀！！
今晚食得我地两个好开心，短短40分钟，有计划，有目标，食到晒我地想食嘅野。Mission Complete! 好饱呀！！下一站揾食姐妹去边食好呢？
张贴
