一鼎‧台式火鍋 (MOSTown新港城中心(4期))

营业中

休息中

朋友之前介绍过呢间火锅，话主打系无限量任攞火锅料㖞，仲话佢哋嘅和牛好嫩滑、汤底非常正。今日我就揾机会去马鞍山探下店😎一人一锅都好得意，我叫咗澳洲纯和牛套餐，我平时系好少食牛肉嘅，但系呢个和牛真系令我惊艳到！啲口感真系一流！一入口就感觉到肉质十分细嫩，几乎唔使咬就可以feel到佢喺口腔入面融合，正呀！钟意饮清汤嘅我拣咗熏鲣鱼清汤锅，味道十分丰富，海苗顺滑嘅口感配上鲣鱼嘅鲜味，真系完美结合！我差唔多要饮晒成锅汤底啦🤪最后梗系要用饮品收尾啦，我叫咗百香果三重奏。酸甜味嘅百香果果肉仲可以食到种子，加上茶叶少少嘅苦涩味，整体口感非常清新解腻👍🏻朋友介绍得冇错呀，下次再返嚟试试其他嘅汤底！