海皇粥店 (莊士敦道)

营业中

休息中

喱间海皇d室内装修有d特色，楼底又几高。提供嘅饮食配搭亦几多样化，可算是丰俭由人。是日叫左个【粥你愉快茶餐】，个名又真系几有创意㖞。即系菜干排骨粥+炒面+豆浆。个名咁正，食得愉唔愉快先？我就觉得唔太愉快啰。Why？Let me tell you.首先d面份量系多，但冇乜亮点，纯属大路货色。到碗粥喇，一入口，哗，落d师傅同盐好重手，食完好快会口渴啰。豆浆就一般般喇，甜度都算调得合适嘅。d出品都免强合格喇，咁点解食得唔太愉快先？问题就系最近日日都三十几度，热到飞起，谂住入去食吓野凉吓冷气，点知该店d冷气温度唔够冻啰，半冷唔热嘅温度系几难顶㗎，速速食完就拜拜喇。该店要跟进吓d冷气同埋调节吓出品d味道喇。