影片
更多
2023-10-17
1846 浏览
讲到香港特色地道野，一定走唔甩镬气十足嘅大排档小炒。喺舌尖上嘅美味背后，又有几多个接受到大排档嘅环境同SERVICE？无接受过MALUD University正统Training嘅您/她，一定要收藏我今日介绍嘅呢间餐厅！ 《 大排档小炒》位于鹅颈桥附近嘅骆克道，喺入咗铺嘅升级大排档：环境 🆙️，服务 🆗️，镬气 🈵️。人气嘅程度晚饭时间基本上喺NO BOOKING NO EATING。今日星期六，我哋两个人18：15嚟到已经有人企喺门口等紧位，近乎爆场！好在门口有1001张二人枱剩，“师兄！呢度两位！“，达阵！迟一分钟就出咗局！ 一共嗌咗3️⃣样野：〰️〰️〰️🥘 金牌腊味煲仔饭 (例) $168▪️ 煲仔饭，秋风起嘅标配！有图有真相，润肠腊肠虾干椰菜仔密铺饭面，足料！店员会趁热淋上酱油，用刚中带柔四两拨千斤嘅手法将饭同配料拌匀。粒粒分明嘅饭粒吸收咗酱香，润肠腊肠嘅油香同虾干嘅鲜香，所有野一啖入口味道平衡得嚟几惹味！▪️ 饭焦呢？脆得个啱啱好，唔苦唔硬唔刮嘴，GOOD。▪️ 份量够2~3个人share，$168可以接受。🍜 干烧虾油粉丝煲 $138▪️ 上枱渣渣声，热辣辣出哂烟💨，听声都流紧口水！▪️ 主角粉丝
《 大排档小炒》位于鹅颈桥附近嘅骆克道，喺入咗铺嘅升级大排档：环境 🆙️，服务 🆗️，镬气 🈵️。人气嘅程度晚饭时间基本上喺NO BOOKING NO EATING。
今日星期六，我哋两个人18：15嚟到已经有人企喺门口等紧位，近乎爆场！好在门口有1001张二人枱剩，“师兄！呢度两位！“，达阵！迟一分钟就出咗局！ 一共嗌咗3️⃣样野：
〰️〰️〰️
🥘 金牌腊味煲仔饭 (例) $168
▪️ 煲仔饭，秋风起嘅标配！有图有真相，润肠腊肠虾干椰菜仔密铺饭面，足料！店员会趁热淋上酱油，用刚中带柔四两拨千斤嘅手法将饭同配料拌匀。粒粒分明嘅饭粒吸收咗酱香，润肠腊肠嘅油香同虾干嘅鲜香，所有野一啖入口味道平衡得嚟几惹味！▪️ 饭焦呢？脆得个啱啱好，唔苦唔硬唔刮嘴，GOOD。
▪️ 份量够2~3个人share，$168可以接受。
🍜 干烧虾油粉丝煲 $138
▪️ 上枱渣渣声，热辣辣出哂烟💨，听声都流紧口水！▪️ 主角粉丝干身弹牙，条条分明唔会黐埋一住，垫底𠮶啲俾个煲嘅热力继续干煎，轻轻焦香脆身口感一流！配料有虾粒，肉碎同蛋丝果啲，调味恰到好处，简单食材煮出大滋味！美中不足嘅喺虾油落喺轻手咗啲，差甘啲虾香，但整体嚟讲喺个几OK嘅粉丝煲。
🐟 清蒸沙巴龙趸 (声称约一斤) $198
▪️ 压轴出场。条鱼紧紧熟，近骨嘅肉轻轻有啲黐骨，皮滑肉嫩，喺新鲜鱼嘅味道同质感，淋埋啲蒸鱼豉油一齐食，唔错。〰️〰️〰️
💸 连前菜 (+$5) 同加一，埋单 $560 (人均$280)
🗣 价钱比附近大排档贵少少。喺好食嘅，虽然未到惊艳到要嗌出嚟，但算得上喺值得再深入了解嘅味道，整体无投诉！
张贴
