燒肉801

营业中

休息中

有个成日飞日本嘅朋友对烧肉好有要求，佢介绍我去食荃湾广场嘅烧肉801，话佢哋嘅烧肉超出色，仲有唔少推介冷面，忍唔住要试试。店员细心介绍每款套餐，最后我哋就选咗最人气嘅$498志盛2人前套餐，再加冷面set($38)同生菜set($25)。志盛套餐有四种牛肉，包括极上厚切牛胸腹柳、黑毛和牛上肩肉、牛小排同盐味牛舌，再加埋一款鸡肉同一款豚肉。最钟意𠮶款极上厚切牛胸腹柳，烧到五六成熟，加少少柠檬汁，牛味浓郁又juicy！黑毛和牛上肩肉同盐味牛舌都系绝佳选择，牛小排油脂丰富，真系每一口都令人满足。除咗烧肉，最推介嘅系冷面，特别值得一提嘅系柠檬冷面，柠檬汤汁清新好味。喺九州长崎试过柠檬冷面，但荃湾呢度竟然更胜一筹！呢间烧肉质素绝对唔输日本。服务方面，店员细心周到，主动帮我哋换咗三次炉板，服务真系一流。抽风系统好好，食完件衫一啲油烟味都无。呢次喺烧肉801嘅体验真系一流，特别系冷面，绝对值得一试！📍 烧肉801（荃湾） 荃湾大坝街4-30号荃湾广场3楼321-323号舖