影片
更多
2015-10-05
876 浏览
世交好友孙兄可算系XO仔其中一位忠实读者，因为最近留意到细佬去完老麦同星星咖啡屋外卖后都会作出简短报告，所以就突来电邮，问几时会轮到七仔。既然粉丝有要求，小肥当然系要有所回应啦，观察咗一轮后，即择日去「梗有一间喺左近」o既7-11便利店兼热卖点度外卖午餐。点解要择日？因现凭「恒生Enjoy Card」，每个月8号同18号喺七仔买野都可享九五折优惠啰 ！春园街分店门外有个易拉架，可见热卖点有四款套餐供应，其中一款系小肥好耐都冇食过o既热狗餐，见$21包埋热饮，九五折后即廿蚊有找，所以就立心拣喺9月18日去食「珍宝热狗套餐」。虽然18号真系有九五折优惠，但系过咗数先知热泡沫咖啡唔算热饮，要另加$8 ，即埋单合共$27.5。返到公司，打开胶袋同盒都唔见有烟，其实都有感不妙，热狗上手就连和暖都唔讲得上，入口更觉面包同珍宝肠一样同属干硬之列，加上味道欠奉，真系好恐怖啰 ！而加咗八蚊o既泡沫咖啡则较为稀淡 ，早知饮杯热水好过。孙兄，希望您谅解细佬为何一直都冇为七仔写过食评，因为XO仔个肠胃真系有要求架！
点解要择日？因现凭「恒生Enjoy Card」，每个月8号同18号喺七仔买野都可享九五折优惠啰 ！
春园街分店门外有个易拉架，可见热卖点有四款套餐供应，其中一款系小肥好耐都冇食过o既热狗餐，见$21包埋热饮，九五折后即廿蚊有找，所以就立心拣喺9月18日去食「珍宝热狗套餐」。
虽然18号真系有九五折优惠，但系过咗数先知热泡沫咖啡唔算热饮，要另加$8 ，即埋单合共$27.5。
返到公司，打开胶袋同盒都唔见有烟，其实都有感不妙，热狗上手就连和暖都唔讲得上，入口更觉面包同珍宝肠一样同属干硬之列，加上味道欠奉，真系好恐怖啰 ！
珍宝热狗套餐
$27.5
96 浏览
1 赞好
0 留言
热泡沫咖啡
60 浏览
1 赞好
0 留言
张贴
