南坊

营业中

休息中

今日去到数码港食晚餐， 呢到一间喺Meridan酒店入面嘅 南坊中餐厅。 装修都可以，有品味。但系食物就持续一般。除咗我上次讲过饮水当茶位计最低消费20元外， 呢度啲鲜榨果汁真系好有酒店价格，每杯60。上次畀咗劣评，点解我仲返嚟？因为畀佢多一个机会。今晚食物之中茉莉花安格斯牛柳条，其实都可以选做好食。 我指嘅系肉质真系好味，但系佢下面有好多唔同类型嘅蘑菇味道有点怪，加上完全冇茉莉花的花香味都唔知点解要放入去。豉油皇煎班球，点菜𠮶阵时已经问过系咪有骨， 侍应话冇骨，但系基于结果认证系有骨嘅! 比较上好食嘅系有蟹肉扒豆苗，但系蟹肉里面有壳。 一不小心就直落喉咙。。。我哋都叫咗一点红烧豆腐，正正常常冇乜特别。 但都算中上。至于𠮶个粟茸焗西米布甸，我只可以讲一句我唔会再食。 布甸冇味，粟茸不香。坦白讲畀咗两次机会，食品品质都系中下，我真系唔提意大家过嚟食。 难怪呢度有好多张枱都系冇人坐。