彩興來來火鍋 (已結業)

咁岩有朋友住喺帝景湾于是成班朋友去完佢屋企housewarming就去楼下打边炉啦，听朋友讲呢间彩兴有好多唔错comment，平日都坐满晒，一去到我哋开咗两个炉，佢原来唔系普通打边炉嘅煲，系用铸铁镬，同埋个汤底系即叫即煮架，好有趣！我哋叫咗鲜鱼汤底同埋花胶虫草鸡煲， 呢两个煲都系老板推介嘅， 条鱼系新鲜炸起，所以个汤底系特别鲜甜， 老板会亲自烹调个汤底 ，见佢哋即叫即煮都值回票价，哈哈！ 老板温馨提示，策略系先饮咗个汤底之后先至落配料， 因为之后后加嘅汤都系清汤 ！ 好有惊喜嘅系个汤真系好甜，花胶鸡汤又好补好暖身！ 我哋叫咗虾同象拔蚌，好新鲜。再叫牛颈脊， 牛颈脊真系超好食，入口即溶，唔肥又劲多雪花， 另外有几款都系必点，芝士响铃 自家制，出面系食唔到！ 饺子同埋芋头都系自家制，芋头即叫即炸， 真系超好食，外脆内软好松化，  材料真系好新鲜值得一赞！ 听讲系老板每日自己亲自去街市搜罗新鲜食材！下次一定再光顾