彩興來來火鍋 (已結業)

約咗去朋友屋企sleepover，就順便嚟到呢間喺帝景灣商場嘅火鍋店🍲，由港鐵站行去都起碼要10分鐘。餐廳晚市有做火鍋放題任飲任食兩個鐘，麻辣雞煲加水變火鍋放題都唔洗$200。雞煲味道正常，個人而言唔算太辣，而放題既選擇多，醬汁同菜都可以自己任添，最欣賞係飲品有得揀清熱解毒既洛神花檸檬水同檸檬薏米水！洛神花較酸幾開胃，檸檬薏米水則解渴，忍唔住encore咗幾次！

第一次第一次第一次食過甘低低低低低質素的牛頸脊，尖沙咀價錢，但低低低低低質素食物，就算任食，都不會再光臨。其他食物勁普通!!!!!!!!!!!!如炸響鈴，只係街市的一包包響鈴，但價錢就.....不化算，又不是平。我絕不推薦給朋友，如果呢個價錢，我可以係尖沙咀食到好高質的食物了。炒雞煲呢個項目，就平平無奇，對雞煲無太大驚喜，我另願比貴d價錢，食高質食物了，大家可考慮一下，但我食完一次，就絕不再食第二次了。

一間鋪位細細但係好有質素, 好多選擇的放題火鍋,  鍋底同食材張單寫滿一頁仲多過D 連鎖店,  又唔會叫咩無咩, 但係都有一樣通病是叫D 較貴既野會黎得少D , 就算你點10份都好, 不過上菜都快, 你可以點完又點完又點,  價錢不算平, 1個人加完一差不多HK$340,  但算上質素可以接受的~有時想食餐好D 可以去試試

好耐都唔寫食評，呢間野令我忍唔住要“分享”！話說呢間野話就話任食，點知慘過乞食，所有野按人頭俾，每次每人兩塊牛肉兩粒丸兩條腸.....每次落單都要成十分鐘先到，食到一肚火，仲有加一加醬料收費，平均每人接近三百蚊，我寧願去大家樂食好過，起碼我要牛肉加錢就有，仲要一碟一碟咁上，唔駛等施捨兩塊兩塊咁俾我，我反映過，個女侍應就話你食完就叫，大姐呀，每次兩塊，我食完消化左你先上多兩塊，我點食呀，淨係叫野食都叫到炆，最後，三十分鐘前已經要截單，我要粉絲，點知你又俾一舊我......我地三個人喎.....個女侍應好串咁話，你截左單就無得再叫，廚房都唔會再俾.......謝謝，我以後唔會幫襯

10.5好多食肆商場關門，走左去屋企附近既呢間火鍋店，見評分幾好，但食完就真係大失所望。首先湯底，所謂既黃金雞煲（花膠、蟲草），得果dd料，淡到無味。然後所謂美國肥牛，好膠好硬，d羊肉又好騷，脆肉鯇午餐肉蓮藕凍豆腐等口感都很唔多好。唯一既優點應該係醬料唔錯，夠辣。然之後每圍台都有送洛神花茶。此外，禮拜六日&節假日每人另外+20，醬料亦每人+20，再加10%服務費，最後每人251埋單。唔係話貴既，只不過唔值呢個價，唔會再去～

講起麻辣，其實我本人不太喜愛，因為我接受不了麻麻的感覺，但是也會淺嘗。這天就跟家人去吃麻辣雞煲放題，她們非常愛吃麻辣。一坐下店員就拿了兩渣飲料過來，左邊的是洛神花，右邊的是檸檬薏米水，這都是已經包含在任吃價格裏，不用再加錢。飲料非常凍涼，外面天氣太熱，喝這個很消暑，我比較喜歡檸檬薏米水，味道清新。我們點了好幾樣東西，除了麻辣雞，其他都是任吃的。食物都算新鮮企理。醬料要每位另加$20，後來發現其實不加也可以，因為麻辣味已經很夠。那個鍋蓋還未打開，濃濃的麻辣味已經湧出來。

這家火鍋店位於將軍澳帝景灣商場。店子面積唔太大，但整潔又企理，而定價亦唔高。他們的花蟹冬瓜盅，怎料不是時令，未有供應。幸而另有九款湯底選擇，如家鄉鴨煲、鯇魚湯、番茄湯、香西皮蛋湯、辣雞湯、酸菜魚、胡椒豬肚湯、養生湯底和黃金雞湯等等。首先職員係個獲到落啲油，跟住就落大蔥同蒜爆香，之後就將問好咗嘅鴨件到落去，炒咗陣好快食得😼 鴨味香濃，易咀嚼，裝汁香甜，好有家鄉鴨肉嘅味道。當食晒個鑊嘅鴨之後咁就可以落湯開始打邊爐啦！價錢同出面差唔多，但佢份量都好多。我同男朋友食真係好飽。

從來未寫過食評，亦冇影到相，不過今次就忍唔住要comment 下。$188放題，仲有加$20 先有醬料，咁唔通唔點豉油咩，咁不如直接寫208好過啦，再加一，正常最後$228一位埋單。但原來端午節正日要加$20一位，但book枱時冇講，坐低亦冇講，直到埋單先知，反而怪我地唔睇門口貼告示。如果我哋係walk in嘅, 梗係會喺門口睇清楚啦, 但打得電話黎book，就有責任告知客人假日有特別收費。爭拗左一陣之後，最後都話唔使收，不過之後黑面。食物選擇少，但質素尚算可以，要食好啲例如墨魚滑，蝦滑，少量海鮮就要加$68一位。黃金雞湯底完全冇特色，唔好味，而且淡味，番茄湯底可以接受。

住開將軍澳，耐唔耐有見到佢地的廣告牌，怪自己傻，以為佢開係帝景灣，地點較唔就腳，應該會抵食D，先可以吸到客，今日一試，X！中伏！超唔抵食！可以任食的，咪就係彩興攪攪面D配料囉，丸類多！$188 + $20醬料費，再收埋加一，每位$228，食D垃圾，真係超級唔抵！佢主打麻辣雞煲，第一次吃，當然叫佢招牌菜啦。佢每張枱部有個鐵鍋，長期無野蓋住，幾唔衞生。吃開D邊爐，以為佢會捧個鍋連湯出嚟，好新奇，個阿姐捧碗麻辣雞出來，倒落個鑊，同你攪攪佢。開始食雞，算係吃過最難吃的雞，因為個鍋，仲要好大浸鐵銹味！之後入紙叫啲嘢嚟打邊爐，冇乜好講，就係丸類居多，垃圾食材。其實，任食我都食唔到好多嘢，寧願逐碟叫。

Food materials are not fresh enough. The tools and plates are not quite clean. The whole experience is not good. Won't come again.What's more, it's strange that there are so many positive comments in open rice. It is a misleading to people who are searching for good restaurants.

見到街有廣告188任食就去咗埋單229蚊 188任食 20醬料 加一-鋪頭唔算大 但都坐得舒服我地總共7個人食有2個湯底🥣我地揀咗黃金花膠雞湯🐥同蕃茄湯底🍅侍應會喺你面前炒個湯底 好特別🤣🤣雞湯水滾後 侍應會建議你飲 好味道🤤加水用嘅湯唔係清水 而係雞湯同蕃茄湯所以食到最後都keep住味道濃郁誠意十足😍另外響鈴🔔都係即炸 好有誠意！！而且啲staff態度超好！！！又會建議你飲湯 又會教你點煮-其實仲可以加68蚊升級但因為第一次食唔知質素如何就無加下次再去的話一定會加好想試芝心響鈴🔔😍美中不足是醬料費有點貴~

跟男友這天來將軍澳站逛附近幾個商場，到了晚飯時間popcorn間間都大排長龍，而且也沒什麼好吸引的，便嘗試走去最近新入伙幾個海邊屋苑的商場找晚餐吃。經過帝景灣，見到openrice上有這家火鍋，好像好評蠻多，便去試一下吧。餐廳是不太好找，在換智能身分證中心上層，是蠻偏僻。價錢不算貴，湯底選擇蠻多，也有雞煲。不過我和男友口味偏清淡，所以選了定番的莞茜皮蛋湯底。先來調醬料，配料頗多看到它海鮮也蠻多，下次試試好了侍應先幫忙煮湯，莞茜跟皮蛋很足料，看到我跟男友都口水直流了先來脆魚鯇，一大碗魚片，份量十足。煮熟後十分爽脆，超級好吃肥牛脂肪和肉十分勻稱，男友吃後大讚，牛味甚濃，厚薄度也剛好豬肉丸賣相也很精美，吃下去啖啖肉，好滋味疏菜盤份量超大！一整個蕃茄、一大堆薯片、粟米，好滿足！墨魚滑也是一大杯，質素甚高，有墨魚的口感，十分煙韌，不像平時坊間有一些空叫墨魚滑但完全沒墨魚的味道跟男友吃到好飽好滿足～埋單每人二百多，性價比甚高，每碟份量很大，而且每種食物都質素甚高，有機會會再來

這家火鍋店位於將軍澳帝景灣商場。店子面積唔太大，但整潔又企理，而定價亦唔高。本來一心想回來encore 他們的花蟹冬瓜盅，怎料不是時令，未有供應。幸而另有九款湯底選擇，如家鄉鴨煲、鯇魚湯、番茄湯、香西皮蛋湯、辣雞湯、酸菜魚、胡椒豬肚湯、養生湯底和黃金雞湯等等，價錢由$78-$288。黃金雞湯（花膠，蟲草花）$198這個湯底即叫即煮。店員先把鑊燒熱，然後把雞件爆香，再放花膠和蟲草花和上湯。這湯汁雖然沒有冬瓜盅咁鮮美，但仍然有雞和蟲草花的鮮甜味道，而且仲有花膠在內，味道唔錯。鮮打蝦滑$88這蝦滑真好吃！灼過的蝦滑蝦味十足，味道鮮甜，而且口感爽囗又弾牙。正！頂級安格斯牛頸脊$268由於近日比較注重健康，所以選擇了頂級安格斯牛頸脊取代肥牛。牛頸脊的脂肪唔多，但由於切得薄身，有咬口，肉質比較爽身，而且肉味濃厚。黑蒜黑松露牛丸$128這黑蒜黑松露牛丸也是必點之物。牛丸一客八顆，牛肉味十足，口感爽彈又juicy, 而且帶有淡雅的黑松露風味和黑蒜香，十分惹味可口，好吃！海鮮拼盤$398這海鮮拼盤的內容頗為豐富，有鮑魚仔、貴妃蚌、花甲、基圍蝦、廣島蠔等等。鮑魚仔細細隻，幾爽口；貴妃蚌大大隻，但帶一點嚼勁

家鄉的味道係將軍澳睇完戲，見天氣又凍，於是搵咗間打邊爐，不過今次唔係食雞煲係食鴨煲。而呢間小店最特別係客人面前個鑊搵蔥同蒜現炒，炒完食曬啲鴨就可以落湯打邊爐！一坐低，職員就擺咗嗰調味盤係枱，都有9種野簡，對於小店來講嘅選擇都係比較多。當我地落左單之後好快溫完嘅鴨件同埋蔥蒜就想上枱喇！ 首先職員係個獲到落啲油，跟住就落大蔥同蒜爆香，之後就將問好咗嘅鴨件到落去，炒咗陣好快食得😼 鴨味香濃，易咀嚼，裝汁香甜，好有家鄉鴨肉嘅味道。當食晒個鑊嘅鴨之後咁就可以落湯開始打邊爐啦！佢地呢間啲火鍋配價錢同出面差唔多，但佢份量都好多。我同fd食真係好飽。打邊爐一定要食牛，於是我地嗌咗美國肥牛同黑毛豬五花腩，肥牛肥脂唔夠多，口感咬落爽口。至於個五花腩真係好正，肉質嫩滑，食落油脂感同帶有好濃郁嘅豬肉味，唔會有冰鮮嘅感覺。五花腩皮邊好可口彈牙。見到呢間有好多好特別嘅餃子，全部自家製，決定食啲獨家嘢，又想乜都試啲，於是嗌咗招牌三拼餃，咁可以食三款餃子。自家製嘅餃皮滑饀靚，一碟一共9隻餃，分別係韮菜餃、黃金餃同黑松露鮮蝦餃，最愛係入面有大大隻嘅鮮蝦，配埋香濃嘅黑松露醬嘅黑松露鮮蝦餃，真係好掂好好食😋😋而黃金餃嘅入面

Choi Hing is located at Corinthia By The Sea which is a real bugger to get to.There is no connecting mall so you have to take main road to Chi Shin Street, cross that then go in the small alley which leads to Corinthia By The Sea.Luckily I was accompanying someone to get their SmartID done so I didn't deliberately come all the way here for this.Went here randomly for hotpot as the pots looked funny.The pots looked more like WOKS so therefore I call them wokpots!The menu was pretty standard so it