張公館

营业中

休息中

终于感受到凉意，就想食蟹，又怕拆蟹麻烦，我哋去咗铜锣湾vpoint嘅张公馆，点咗佢哋嘅蟹料理，茶$20位有我喜欢的菊普，仲有小炉全晚都热住D茶。小食$20位包括好大粒嘅酸荞头，少少酸好多汁，同鱼干花生，够晒咸鲜好脆口。先嚟一盅羊肚菌松茸竹笙化菇炖汤 $98，每样材料都有两份，羊肚菌好香好够味，竹笙就系我最钟意食嘅，个汤都好香浓。再嚟咗每人一份蟹粉小笼包$68只，啲汁即刻爆晒出嚟，蟹粉肉馅亦都好大份。再嚟一份川式麻辣来鸡软骨/例$138，好大碟，鸡软骨炸到好香口，加埋少少麻辣味啱晒𩠌酒/饭。之后再嚟主菜：蟹粉扒豆腐$238，啲蟹粉多到包住晒啲豆腐，啲豆腐好滑好松软，豆腐配蟹粉粉系最佳配搭，最后再encore 一份蟹粉伴稻庭面$128，用个蟹粉捞面再加埋啲醋一齐食就一流啦。