霸王山莊 (已結業)

喺屋企附近得呢间餐厅有得食片皮鸭。专登过嚟同爸爸食生日饭。点知道原本应该先上嘅片皮鸭，最后一道𩠌先上。首先啲皮系淋嘅，一啲都唔热亦都唔脆。拣咗个热食做椒盐鸭架。食到第二嚿𠮶嚿鸭肉嘅入边竟然系冰冻嘅。完全食得出之前系冰鲜鸭，然后攞嚟炒扮二食。问职员发生乜嘢事佢竟然话应该系头先上嘅时候上错咗一只摆冻咗嘅鸭。一定系讲大话因为就算摆冻左，鸭肉嘅里面都唔应该系冰冻架。就算佢讲嘅版本系真嘅，都好唔合理啦！我第一台嚟，佢攞只摆冻咗嘅鸭俾我，咁只新鲜嘅鸭俾边个呀。真系好过分，以后都唔会帮衬。