光榮冰室 (厚福街) (已結業)

人生第一间帮衬嘅光荣冰室，就系尖沙咀呢间店。虽然呢三年都有去过各区嘅光荣，但始终对呢间最有感情，原因？不言而喻。今次再嚟，本来想食煲仔饭，但系唔太肚饿，于是叫个之前从未试过嘅沙嗲牛肉煲仔面。上枱时，煲入面啲面仲滚下滚下，斋睇都觉热辣辣。质素方面，虽然牛肉同公仔面略嫌过腍，但系沙嗲汁就非常唔错，味浓之余唔会死咸，加上份量足，成个餐连饮品都只系四十零蚊，冻饮仲唔使加钱（呢样最正），性价比颇高，值得推介。