牛壹台食 (已結業)

今日系附近蒸完脚就黎呢间食牛肉面😋店内装修充满怀旧既感觉，传统既木枱凳，加上墙上面既壁画，令人好似置身台湾～我叫左个红烧牛肉面，呢度既牛肉用左牛腱心，肉质好腍，好滑，牛味超浓，钟意食牛既朋友一定觉得好正🤤，而且大大碗，一碗有4件肉，好足料！汤底都好好饮，带有少少甜辣味～面身软为腍，想食有咬口既就记得要叫刀削面啦～另一个叫左个卤肉饭，呢个系用牛肉卤既～所以味道都几特别～又系大大碗，上面布满半肥瘦既牛肉粒，热辣辣～好食😋仲叫左个小食，系皮蛋豆腐凉拌，上面有木鱼丝，豆腐好滑，加上皮蛋同木鱼丝，制造左两种唔同既口感，冻既滑豆腐加有咬口既木鱼丝，原来都几夹～🥰