泰越概念 (已結業)

同朋友食晚餐，三个人大叫咗四样嘢，劲饱，完全食唔晒。首先系呢个泰式金边粉，话就话系海鲜金边粉，入面虾都冇一只嘅，不过系有啲蟹柳呀鱼蛋咁样。唔知系咪佢呢一碟本来系炒多咗，所以好快上菜，味道系唔错嘅。原个菠萝炒饭，都系配海鲜，但今次系有虾嘅！好大个嘅，味道都唔错。至于呢个真系好好食，就系牛腩红咖哩，我哋再嗌咗薄饼去配，薄饼总共应该系有两个大块剪成嘅， 呢个真系好味。另外仲有一个系椰汁鸡汤，睇落去个样有啲似冬阴功，而且味道比较偏酸嘅，但好大锅，应该ard 4人份。我觉得食物𠮶啲味道真系几唔错嘅，价钱有少少偏贵，但如果你夜嚟系有啲app可以有特惠嘅~