達人包車 (已結業)

今晚跟个FD去食韩国菜，本身无乜期待，因为近年来韩国菜开得成行成市，真系食到有Ｄ厌。入到门口，出黎接待既系韩国人黎，要同佢讲英文先沟通到，不过四万咁口既笑容，算几好啦。一坐低，就有人送上小菜同菜单。同出面食既小菜同出面食既有Ｄ唔同，由左至右系芽菜＋豆卜、腌萝白＋青瓜、粟米沙律。不过，食落又几开胃，唔似泡菜咁太抢味觉。我地点左酱烤牛肉同部队锅。首先上枱既系部队锅，材料比我想像中多，亦有我喜欢既鱼糕同年糕条，系我意想唔到既配料之一。另外个汤系唔够辣，偏甜，最后我地叫侍应去厨房拎左一大碟辣粉俾我地加落去先够味ＸＤ　但系本身个汤头系好香好甜，只系可能太偏香港人口味，令我地觉得唔够辣，不过Ｄ料系正。之后要讲既系呢个酱烤牛肉。呢个酱烤牛肉系全生肉咁上枱，之后慢慢烤煮。本身佢个牛肉用左好多酱汁腌，慢慢煮个阵Ｄ汁会流落个煲边，而佢个煲边有好多粉丝同菇，变相吸哂Ｄ牛汁，好好味！Ｄ牛肉都唔输蚀，熟左之后都唔会太硬身，咬落软软的，而且好有牛味，唔系普通货色既牛肉。之后叫左两杯野饮，不过不过不失啦，都系野食比较好食。