湯加 (石籬商場二期)

营业中

休息中

今日食晏嘅时候，喺公司附近都唔知食乜，朋友就话食呢间，于是两条友就过咗嚟汤加，地址位于葵涌大陇街110号石篱商场二期2楼B232A号舖今日就决定试佢嘅二人套餐，一个炖汤，两款小菜，两个饭，两杯饮品！茶树菇栗子炖金沙骨,份量十足,汤入口菇菌香味十分浓郁，香甜润喉，饮落去好舒服。豉汁蒸珍珠蜡，呢条鱼上嚟同朋友都吓一跳，估唔到系咁大条，第一次食呢种鱼，啖啖肉冇乜细骨都几鲜甜，因为系即叫即蒸都要等20分钟。土鱿马蹄蒸肉饼，呢个肉饼份量都几足，肉质弹牙，加上面头嘅南瓜，食落个口感都几好，甜味都增加左少许！甘又解决左中午食咩噶烦恼啦！