影片
更多
2012-12-31
1421 浏览
本来想去海洋公园, 但系出到金钟发现落雨..最后改左去铜锣湾行街, 谂定夜晚食乜..想试hipot好耐, 咁岩铜锣湾就有间, 拿拿临打去book台, 可能系订得早, book 6点仲有位呢. 去到时无乜人, 5:30-6:30pm入座食平d, $138一位任饮任食唔驶加一, 限时两个钟, 所以一坐低就开返个炉跟手就剔野食, 点菜单得四张, 主要系分蔬菜水饺类, 肉类, 海鲜类同刺身类..一轮狂风梳落叶乜都剔d后后就递单, 之后出去打个转拎野饮..原来有得自己落调味落个火锅汤底度, 出面仲有丸类, 菜类, 菇类, 青口鱿鱼等等…款式都唔少呢, 另外任饮既包括汽水, 沙冰, 豆浆, 柠檬茶等…返埋位无耐就有野食…海鲜类: 海虾鲍鱼片象拔帆立贝螺片花胶仔等样样齐, 都几新鲜呢.刺身: 因人数俾你, 我地两个人下就除左三文鱼发配左两块之外, 其他每样一件…唔知填多d人数会唔会俾多d呢, 因为呢碟实在太袖珍啰, 好彩系三文鱼甜虾都鲜甜, 好味呢.肥牛: 火锅必备, 不过机削到好薄同好细块啰, 无左大块大块啖既滋味.黑豚青同牛肉滑: 前者好淋好味, 后者...系茶楼食山竹牛肉既味道.自己出去拎既一
去到时无乜人, 5:30-6:30pm入座食平d, $138一位任饮任食唔驶加一, 限时两个钟, 所以一坐低就开返个炉跟手就剔野食, 点菜单得四张, 主要系分蔬菜水饺类, 肉类, 海鲜类同刺身类..一轮狂风梳落叶乜都剔d后后就递单, 之后出去打个转拎野饮..原来有得自己落调味落个火锅汤底度, 出面仲有丸类, 菜类, 菇类, 青口鱿鱼等等…款式都唔少呢, 另外任饮既包括汽水, 沙冰, 豆浆, 柠檬茶等…
返埋位无耐就有野食…海鲜类: 海虾鲍鱼片象拔帆立贝螺片花胶仔等样样齐, 都几新鲜呢.
刺身: 因人数俾你, 我地两个人下就除左三文鱼发配左两块之外, 其他每样一件…唔知填多d人数会唔会俾多d呢, 因为呢碟实在太袖珍啰, 好彩系三文鱼甜虾都鲜甜, 好味呢.
肥牛: 火锅必备, 不过机削到好薄同好细块啰, 无左大块大块啖既滋味.
黑豚青同牛肉滑: 前者好淋好味, 后者...系茶楼食山竹牛肉既味道.
自己出去拎既一碟: 鱿鱼须金菇鱼蛋牛丸鱼同冻豆腐, 特别要试冻豆腐, 如果你本身整左个味浓既汤底既话, 佢就会索哂汤底味, 而且出去打边炉都唔系常食到呢样野, 值得推介.
应该系鸡肉同encore牛丸: 鸡肉滑, 牛丸系黑椒牛丸, 所以都几香口, 不过食完会口干啰.
生蚝同encore海鲜: 只生蚝系一旧冰咁上台…
西洋菜: 冬天当造所以试下, 不过个样有d烂, 食落ok既.
驼鸟肉: 唔知乜味..可以不试.
黑豚肉片: 个样几靓, 食落..正常
牛记雪糕杯: 食饱饱要食甜品, 牛记雪糕五只味之中试左四只(无食云呢拿味)
题外话/补充资料：
我地食到七点时, 都发觉差不多全场满座, 平心而论, 以食物质素, 款式黎讲, $138我就觉得好抵食勒..就算唔食肉类菜类, 相信单叫刺身同海鲜都值回票价, 所以..hipot应该会再encore下既.
(以上食记乃用户个人意见 , 并不代表OpenRice之观点。)
张贴
