大阪李朝園 (已結業)

呢间其实我都唔知佢算系食d咩 不过佢有自制章鱼小丸子就真系吸引到我 我夜晚食$128 其实都几贵下 不过整呢个野真系好过瘾 同朋友两个一齐整 都可以增加合作性 搞呢个野都搞左成个钟先有得食 个重点系 好热 好埋原来要落超多油 唔系佢好痴低好难反转佢再加面糊 做既过程佢有教 不过落手个一下就真系好难咁😂😂😅 我就咩材料都落晒 章鱼啦 泡菜 洋葱 整完之后我发现同出面食真系差唔多 不过真系要整到㶶㶶地先好食 千万唔好好似我咁见佢熟左就吉佢上黎 林晒冇口感 好古怪 味道方面都会有小小辣 此终有泡菜 佢既浆都系自己加 有烧汁同沙律浆 其实衬埋一齐都几咸 同埋佢都好多粒 两个人都食到腻都未食完个只 佢座位都一般 唔算好逼 不过佢个冷气机系咁吹住我个头 最尾佢帮我熄左佢 同埋d姐姐都好hea落完单就走人 问左几次先比杯水 整既过程佢都系制过黎望两眼 我觉得食一次就够